Reto

Allgemeins

Min Vorname isch Reto und dä Nachname chan mä ja us dä Webadrässe läse. Wiä mä dänn so list, findet me det au na usä, dass ich Schwizer bin. Ich hand d'Ehr am schöne Zürisee ufgwachse z'si. Und ich wohnä immer na i dä Nächi vom Ufer. Vo da hani au dä Dialäkt.

Uessers

Ich gsehn also im Grosse und Ganze us wiä än Mänsch. Das liit glaubs i dä Familiä. Ich bin öpä 1.75 m gross, das isch än Rekord für mich, will früener bin i chliner gsi. Ich han also Haar uf äm Chopf und diä sind brun. Die beidä Augä, wo mä halt so hät, sind blau.

Inners

S'Innere isch ja immer chli s'Problem. All interessierts (oder si sägeds ämel) und mä chans uf sonere Homepage eifach nöd darstellä. Wer meh da drüber wett wüsse, mues mich scho sälber und persönlich känne lerne.

Ziitvertriib

Die meischti Ziit sitz ich imenä Betonchlotz, wo ussä mit MNG agschriebe isch. Dihei dänn los ich meischtens Musig, wo vo mim G4 via Chofhörer diräkt uf mis Trummelfäll schlat. Im Winter STAHN ich na viel uf äm Snowboard. D'Betonig vo 'stahn' isch so stark, will ich nöd so än Pischtä(rand)hocker bin. Regelmässig gseht me mich im Taekwondo und ab und zuä au im Pfadihämp (oder amene Alass mit irgend eme Zämmehang mit de Pfadi. z.B. am Korpsball).

Korpsball

Links

Da na äs paar Links zu mine Lieblingsfahrzüg
Pinzgauer  (offizielle Site des Herstellers)
Hummer   (offizielle Site des Herstellers)
cooli Pinz Fotene
Infos & technischi Tipps

Stories about the Pinzgauer are usually about the laws of physics
and the glorious moment when they were broken
Robert Sperl

Lebenslauf